Addisuwond

I'm standing for real freedom. I regard freedom of expression as the primary right without which one can not have a proper functioning democracy.

ዜና በጨዋታ፤ ድራማው ይብቃ… (ህዝበ ሙስሊሙ) ምን ሰርቼ ልብላ (አርቲስቱ መንግስት)

zzzzዜና በጨዋታ፤ ድራማው ይብቃ… (ህዝበ ሙስሊሙ) ምን ሰርቼ ልብላ (“አርቲስቱ” መንግስት)

ዛሬ ሙስሊም ኢትዮጵያውያን በመላው ሀገሪቷ ታላቅ ተቃውሞ ሲያሰሙ ውለዋል፡፡ በተቃውሞው በይበልጥ ጎልቶ ከወጡ መፈክሮች መካከል “ድራማው ይብቃ!” የሚል ይገኝበታል… ድራማው… ድራማው… የቱ ድራማ… ሰው ለሰው…? ብለው የጠየቁ እንደሆነ መልሱ አዲስ መስመር ላይ ይገኛል…

መንግስታችን በአርቲስቶች ሽልማት ዘርፍ “የምንግዜም ኮመዲያን” በሚል ሽልማት ሊያገኝ ይገባል… ሲሉ አስተያየታቸውን የሚሰጡ ብዙሃን ናቸው፡፡ እንደ ብዙሃኑ ገለፃ ከሆነ፤ (ደግሞም መሆኑ አይቀርም) “መንግስት በተለያየ ጊዜ ህዝቡን በሳቅ እየገደለው ይገኛልና የሚደርስበት ኮመዲያን አልተገኘም” ስለዚህም ሽልማት ሲያንሰው ነው፡፡ ይህንን ሲያብራሩ የነበሩ ብዙሃን አሁን ደግሞ እያረሩ መንግስት በትራጄዲውም መስክ የሚደርስበት አልተገኘም እና “ኮመዲዮትራጀዲ” ተብሎ ይሸለም እያሉ እየተናገሩ ነው፡፡

ነገሩ ሲብራራ የሚከተለውን መልክ ይይዛል…

ከዚህ በፊት በከተማው ውስጥ ቦንብ እያፈነዳ ኦነግ አፈነዳ ሲል እንደነበር በዛ ሰሞን የተነቃበት መንግስታችን፤ አሁንም በዛው የስራ ልምድ የተለያዩ የፍንዳታ አቅርቦቶችን በተለያዩ ስሞች እቀረበልን ይገኛል፡፡ ይሄው በዚህ ሰሞን አንድ ምስኪን ሼክ ገድሎ አሸባሪዎች ገደሏቸው ብሏል አሉ፡፡ (እንግዲህ እኔ ከሰማሁ መደበቅ አይሆንልኝም… መንግስታችን አቅም ሳያጣ ካልደገፍነው እያላችሁ አበሳ የምታዩ ሰዎች… ተናግሬ ሳልጨርስ ለአነስተኛ እና ጥቃቅን ስድቦች አቅርቦት ለማድረግ አትቸኩሉማ… በአነስተኛ እና ጥቃቅን አመራር የተመራነው አንሶ፣ በአነስተኛ እና ጥቃቅን ጥቅማ ጥቅም የምንታሰረው እና የምንገደለው አንሶ በአነስተኛ እና ጥቃቅን ስድብ የምንሰደብበት ምክንያት የለም… እንዴ አናሳዝናቹም እንዴ…(ባይሆን ከፍ ከፍ ያለ ስድብ ፈልጉልን እንጂ….))

እና አካባቢው በሙሉ እንደሚያወራው ሼህ ኑሩ ይማም የተገደሉት በመንግስት ድራማ ነው፡፡ ልክ በሰው ለሰው ድራማ ላይ “ይገደሉ… ይገደሉ…” ተብለው እንደሚገደሉት አይነት፡፡ ልዩነቱ በሰው ለሰው ድራማ የሚገደል ሰው በሌላ ድራማ ላይ ይታያል፡፡ በመንግስታችን ድራማ የሚገደል ግን ዳግም አይታይም፡፡

እናም ዛሬ ህዝበ ሙስሊሙ በተለያየ የሀገሪቱ ክፍሎች “ድምፃችን ይሰማ… ድናራማው ይበቃ” ሲል ድምጹን አሰምቷል፡፡ መንግስትም በሆዱ፤ “ድራማው ይብቃ የሚሉኝ ምን ሰርቼ ልበላ ነው” ብሎ ያጉረመረመ ሲሆን፤ …ድምፃችን ይሰማ ሲሉ ሰምቶ ግን ለሌላ ድራማ አርቲስት አውቶብሶችን በብዛት ወደ አንዋር መስጂድ አሰማርቶ ነበር፡፡ ነገር ግን አውቶብሶቹ ድራማውን የሚያሳትፋቸው አጥተው ወደመጡበት ተመልሰዋል፡፡

ይህንን ዘገባ ሚዛናዊ ለማድረግ ደም ግፊት እና ልብ ድካም ከሌለብዎ ኢቲቪን ይመልከቱ

http://www.abetokichaw.com/

About these ads

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 4,969 other followers

%d bloggers like this: