addisnews

I'm standing for real freedom. I regard freedom of expression as the primary right without which one can not have a proper functioning democracy.

ዜና በጨዋታ፤ አየር መንገዴ ሆነ እንዴ… መደዴ…!?

21
ዜና በጨዋታ፤ አየር መንገዴ ሆነ እንዴ… መደዴ…!?

ከኢትዮጵያ አየር መንገድ በቅርቡ ተደጋጋሚ ጉዳቶችን ሰምተንበት ደንግጠናል፡፡ ባለፈው ጊዜ በመላው ድሪም ላይነሮች ላይ የደረሰው የባትሪ መጋል የእኛንም አንድ ለእናቱ ድሪም ላይነር ስጋት ላይ የጣለ ነበር፡፡ ቀጠለ በለንደን ከተማ አንዱ አውሮፕላናችን ሲጨስ ታየ ተብሎ ትልቅ ወሬ ሆኖ እኛም ኤድያ…. አሁንስ አየር መንገዴ ቁጣ መጣበት እንዴ… ስንል ተጨንቀን፤ አድነነ ከመዓቱ በማለት ፀሎት አደረግን፡፡ አሁን ደግሞ ከወደ ደቡብ አፍሪካ አንድ ወሬ ሰማን እቃ ጫኙ ካርጎ አየር መንገዳችን ሸክሙ ከብዶት እንደ ሮኬት ከአፍንጫው ወደላይ ተቀስሮ በቂጡ ቁጭ ብሎ አየነው… አሁን ማንጎራጎር ጀመርን…

ጥሩም አያወራም ሰው ሁሉ ባገሩ

ውድ አየር መንገዴ ምንድነው ነገሩ

መንሸራተት በዛ ቀረ እና መብረሩ

ካዋዋሉ ይሆን ወይ ካስተዳደሩ…

እያልን ስንቆዝም፤ ከወደ አስተዳደሩ አንድ ዜና ሰማን፤ ይሄማ ካለ አዲስ መስመር አይሞከርም ይከተሉኝማ…

ከ9 ወር በፊት ወደ 1000 የሚጠጉ ሰራተኞች ከኢትዮጵያ አየር መንገድ ተባረው ነበር፡፡ ሰራተኞቹን ለአየር መንገድ ያስቀጠራቸው “ስባኮ” (ስልጡን ባለሞያ ኩባንያ) የሚባል ድርጅት ነበር፡፡ ሰራተኞቹ የመባረራቸውን ምክንያት ሲጠይቁ ”ይሄ ”ስባኮ” የተባለ አስቀጣሪ ድርጅት ከአየር መንገድ ጋር ኮንትራቱን አቁሟል” ተባሉ፤ ጥቂት “ምግባረ ሰናይ” ተብለው ያልተባረሩ ሰራተኞችም በተባረሩት 1000 ሰራተኞች ምትክ አስቀጣሪ የሆነው “ማሊፎ” (ማህበራዊ ሊግ ፎረም) በተባለው ድርጅት እንዲታቀፉ ተደረገ፡፡ (አንዳንዶቹ በትዳር አቻዎቻቸው መታቀፋቸውን ሁሉ ትተው ነው በሊጉ የታቀፉት…. ብዬ ላሾፍ ነበር… ቁምነገር ነው የያዝነውና እንቀጥል) እነዚህ ያልተባረሩ ሰራተኞችም አዲስ ገቢዎቹን የ”ማሊፎ” ልጆች በቅጡ ስራውን እንዲያለምዷቸው ተመከሩ፡፡ አንድ ጊዜ “ምግባረ ሰናይ” ተብለዋልና፤ በጄ… አሉ፡፡

በመሃል ላይ የቀድሞው “ስባኮ” ድርጅት ያስቀጠራቸው እና ያልተባረሩ ሰራተኞች አንድ ቅፅ ተላከላቸው ቅፁ “ከሊግ እና ከፎረም አባልነት እየመረጣችሁ ሙሉ” የሚል ነበር፡፡ እነርሱም “ስለ ሊግም ሆነ ስለ ፎረም በቂ እውቀት የለንም እኛ ስራችንን ብቻ ነው የምንሰራው… አትቁሙ… ” ብለው ሁለቱንም ቅጾች ሳይሞሉ መለሷቸው፡፡

ግዜው ሄደ ሄደ …አሁንም ሄደ…. “ማሊፎ” (ማህበራዊ ሊግ ፎረም) ወደ አንድ ሺህ የሚጠጉ ከየቀበሌው የተሰባሰቡ የኢህአዴግ አባል ወጣቶችን ቀድሞ “ስልጡን ባለሞያ ኩባንያ” የተበላው ድርጅት ባስቀጠራቸው አንድ ሺህ ሰራተኞች ምትክ ካስቀጠረ 9 ወራት ተቆጠሩ፡፡ አሁን የ”ማሊፎ” ወጣቶች “በስልጡን ባለሞያ ኩባንያ” ልጆች በተሰጣቸው ስልጠና ስራውን ተላምደውታል፡፡ ”እሰይ እንኳን ተለመዱ” ይበሉና ይከተሉኝማ…

አሁንም ከትላንት በስትያ ወደ ሰባ አምስት የሚጠጉ የኢትዮጵያ አየር መንገድ ሰራተኞች በፌደራል ፖሊስ እና በአየር መንገዱ ጥበቃ ሰራተኞች ከስራቸው ተባረሩ የሚል ዜና ሰማን፤ እነዚህ ሰራተኞች ከቀበሌ የተላኩ አንድ ሺህ ሰራተኞችን ስራ እንዲያስለምዱ ከጓደኞቻቸው ተነጥለው “መልካም ስነምግባር አላችሁ” ተብለው ቀርተው የነበሩ ቢሆኑም፤ ”ከሊግ ከፎረም…” ምረጡ ሲባሉ “መልሱ የለም” ብለው ሁለቱንም አንሞላም ያሉ ናቸው፡፡

ማስታወሻ፤ ሊግም ፎረምም የኢህአዴግ መንትያ ልጆች ናቸው፡፡

የስራ መታወቂያቸውን ተቀምተው የተባረሩት እነዚህ ሰራተኞች ከስራ ሲሰናበቱ፤ ደሞዝ አልተሰጣቸውም፣ ደብዳቤ አልተሰጣቸውም፣ ማስጠንቀቂያ አልተሰጣቸውም፣ ትራንስፖርት እንኳን አልተሰጣቸውም፡፡ ስናጋንንም፤ ”ሰላም ወደቤታችሁ ግቡ” እንኳ አልተባሉም!

“ምን አጠፋን እና ከስራችን እንባረራለን” ብለው ቢጠይቁም “ድርጅቱ ጀርባቹን ሲያጠና ቆይቷል እናም አትሆኑንም” ብለዋቸዋል፡፡ ይሄንን የሚገልፅ ደብዳቤ ስጡን ብለው ጠይቀው ነበር…የሚሰማ አላገኙም፡፡

እናም አየር መንገዳችንን ትልቅ ቦታ ሰጥተነው የነበርን ሁላ… አየር መንገዴ ሆነ እንዴ… መደዴ….! ብለን እጅጉን እየተከዝን እንገኛለን! ገና ዛሬ… ብሎ የሽሙጥ ጥያቄ መጠየቅ ይቻላል…! መልሱ ግን “እኔስ ባየር መንግዴ ኩራቴ ነበር!” የሚል ይሆናል!

ማረሚያ፤ …አሁን ደግሞ ከወደ ደቡብ አፍሪካ አንድ ወሬ ሰማን እቃ ጫኙ ካርጎ አየር መንገዳችን ሸክሙ ከብዶት እንደ ሮኬት ከአፍንጫው ወደላይ ተቀስሮ በቂጡ ቁጭ ብሎ አየነው… አሁን ማንጎራጎር ጀመርን… በሚለው አረፈተ ነገር ውስጥ “አሁን ደግሞ” የሚለው “ባለፈው ሰኔ ወር” መሆኑን እንዲሁም “በደቡብ አፍሪካ” የሚለው ደግሞ በቦሌ አየር ማረፊ አዲሳባ በሚል ተስተካክሎ ይነበብ፡፡
http://www.abetokichaw.com/

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: