addisnews

I'm standing for real freedom. I regard freedom of expression as the primary right without which one can not have a proper functioning democracy.

የኢሕአዴግ ምክር ቤት ፀረ ሰላም ኃይሎች ያላቸውን አስጠነቀቀ

2211
የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ምክር ቤት ሰሞኑን ባካሄደው መደበኛ ስብሰባ፣ ሕገ መንግሥታዊ ሥርዓቱን አክብረው ከሚንቀሳቀሱ ተቃዋሚዎች ጋር ተባብሮ እንደሚሠራ አስታውቆ፣ ነገር ግን ‹‹ፀረ ሰላምና አክራሪ ኃይሎች›› ያላቸውን አስጠንቅቋል፡፡

የመደበለ ፓርቲ ዲሞክራሲያዊ ሥርዓት መገንባት እንደሚያስፈልግ የጠቆመው ኢሕአዴግ፣ ይህንኑ ግንባታ አጠናክሮ ለመቀጠል ሕገ መንግሥቱን ከሚያከብሩ ተቃዋሚዎች ጋር ተባብሮ እንደሚሠራ አስታውቋል፡፡ ነገር ግን በተሳሳተ መስመር እየተጓዙ ለዘመናት የተገነባውን የኢትዮጵያውያን ተቻችሎ የመኖር እሴት ለመናድ የተሰለፉ አካላት ከድርጊታቸው እንዲቆጠቡ አስጠንቅቋል፡፡

‹‹ተቻችሎ የመኖር እሴትን ለመናድ የተሰለፉ ፀረ ሰላምና አክራሪ ኃይሎችን አጀንዳ እያቀጣጠሉ ያሉ ኃይሎች ከድርጊታቸው ይቆጠቡ፤›› ሲል የኢሕአዴግ ምክር ቤት አስታውቋል፡፡

ለሦስት ቀናት የተካሄደው የኢሕአዴግ መደበኛ ስብሰባ የአገሪቱን ዕድገት ያረጋግጣሉ ባላቸው አንኳር ጉዳዮች ላይ ጊዜ ወስዶ ተነጋግሯል፡፡ ምንጮች እንደሚጠቁሙት፣ በአገሪቱ አንዳች ለውጥ ለማምጣት ባለፈው ዓመት የተጀመሩትን ሦስት ክንፎች በማደራጀት የልማት ሠራዊት ፈጥሮ ሥራዎችን በኅብረት መሥራት ወሳኝ መሆኑን ምክር ቤቱ ያሰምርበታል፡፡

ሦስት ክንፍ የሚባሉት የኢሕአዴግ አባላት የሚደራጁበት ክንፍ፣ የመንግሥት ሠራተኞች የሚደራጁበት ክንፍና ከመንግሥት መሥሪያ ቤቶች አገልግሎት የሚያገኝ የኅብረተሰብ ክፍል የሚደራጅበት ክንፍ ነው፡፡

‹‹በ2006 ዓ.ም. ልማትና መልካም አስተዳደርን ለማስፈን በሦስቱ ክንፎች በይበልጥ መደራጀት ያስፈልጋል፤›› ይላል ምክር ቤቱ፡፡ ምንጮች ይህንን ሲተነትኑ ለምሳሌ በንግድ ሚኒስቴር ውስጥ ያሉ የኢሕአዴግ አባላት በየዳይሬክቶሬታቸው አንድ ለአምስት እየተደራጁ የሚፈጥሩት ቡድን ክንፍ ይሆናል፡፡ የኢሕአዴግ አባል ያልሆኑ የመንግሥት ሠራተኞችም እንዲሁ እየተደራጁ ክንፍ የሚፈጥሩ ሲሆን፣ በአገልግሎት ተቀባዮች በኩል ደግሞ ነጋዴዎች በየንግድ ዘርፋቸው እየተደራጁ ክንፍ ይፈጥራሉ፡፡ በዚህ አደረጃጀት ሦስቱ ክንፎች የልማት ሠራዊት የሚባሉ ሲሆን፣ የታቀዱ ሥራዎች በዚህ አደረጃጀት ይተገበራሉ የሚል ነው፡፡

በትግራይና በተወሰኑ ቦታዎች ይህ የልማት ሠራዊት አደረጃጀት ለውጥ አምጥቷል ቢባልም፣ በተለያዩ አካባቢዎች በዕቅዱ መሠረት አልተኬደም ስለሚባል ኢሕአዴግ ለአደረጃጀቱ ትኩረት ተሰጥቶ እንዲሠራ መመርያ አስተላልፏል፡፡

ከዚህ አደረጃጀት ባሻገር የበጀት ዓመቱን የወጪ ንግድ አፈጻጸም የተመለከተው የኢሕአዴግ ምክር ቤት የ2005 ዓ.ም. የወጪ ንግድ አፈጻጸም ደካማ መሆኑን ገልጿል፡፡

ከዕድገትና ትራንስፎርሜሽን ዕቅድ አንፃር ከኤክስፖርት ይገኛል የተባለው አለመገኘቱ ተጠቁሟል፡፡ ምክር ቤቱ ይህንን ዕቅድ ለማሳካት በ2006 ዓ.ም. የግብርና ምርቶች በዓይነትና በመጠን ጭማሪ ተደርጎባቸው ወደ ውጭ እንዲላኩ መመርያ ሰጥቷል፡፡

Ethiopian Reporter

Advertisements

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: