addisnews

I'm standing for real freedom. I regard freedom of expression as the primary right without which one can not have a proper functioning democracy.

የአሜሪካን የበጀት ውዝግብና መዘዙ

usa
የዩናይትድ ስቴትስ ምክር ቤት የሃገሪቱን የበጀት ጣሪያ ከፍ ለማድረግ የሚያስችለውን ስምምነት ትናንት ማታ ካፀደቀ በኋላ ለ16 ቀናት በከፊል ተዘግተው የቆዩት የፌደራል መንግሥት መሥሪያ ቤቶች ዛሬ ሥራ ጀምረዋል ። የትናንቱ ውሳኔ በቅርቡ ስራ ላይ ይውላል ተብሎ የሚጠቀበው አዲሱ የጤና ዋስትና ደንብ መሰረታዊ ለውጥ እንዲደረግበት አጥብቀው ይሟገቱ ለነበሩት ወግ አጥባቂ የሪፐብሊካን ፓርቲ እንደራሴዎች እንደ ሽንፈት ተቆጥሯል ። ሂሩት መለሰ
የዩናይትድ ስቴትስ የህግ መወሰኛ ምክር ቤት መጀመሪያ 81 የድጋፍና 18 የተቃውሞ ድምፅ ከሰጠበት በኋላ ሪፐብሊካኖች ወደ ሚያመዝኑበት የህግ መምሪያ ምክር ቤት የተመራው ረቂቅ ውሳኔ እሮብ ማታ በ285 ድጋፍና 144 ተቃውሞ ነው ሊያልፍ የቻለው ። የሃገሪቱን የበጀት ጣሪያ ከፍ ለማድረግ ውሳኔ እንዲሰጥበት የተቀመጠው የጊዜ ገደብ እኩለ ለሊት ከመድረሱ አስቀድሞም የዩናይትድ ስቴትስ ፕሬዝዳንት ባራክ ኦባማ በፊርማቸው አፅድቀውታል ። የሃገሪቱ የበጀት ጣሪያ ከፍ እንዳይል ሲሟገቱ የቆዩት ወግ አጥባቂ ሪፐብሊካኖች ውሳኔው እንዲዘገይ ቢያደርጉም ከማለፍ ግን ሊያስቀሩት ባለመቻላቸው ሽንፈታቸውን አምነዋል ።
« ጥሩ ትግል አካሂደናል ። ግን አላሸነፍንም »
ሪፐብሊካኑ የህግ መምሪያ ምክር ቤት አፈ ጉባኤ ጆን ቦህነር ይህን ሲሉ በህግ መወሰኛ ምክር ቤት የብዙሃኑ ዲሞክራቶች መሪ ሃሪ ሬድ ደግሞ የዓለምን ትኩረት የሳበው የዚህ ውዝግብ ድል አድራጊው ዲሞክራሲ ነው ብለዋል ።
obama
ባራክ ኦባማ
« ዛሬ የመንግስት መሥሪያ ቤቶች እንዲከፈቱና የሃገሪቱም የበጀት ቀውስ እንዲስተካከል ለማድረግ በአሜሪካን ምክር ቤት ሁለቱ ፓርቲዎች የደረሱበትን ታሪካዊ ስምምነት ሁሉም ተመልክቷል ።»
ከፖለቲካ ፓርቲ ገለልተኛ የሆነው የበጀት ጉዳዮችን የሚያጠናው መንግሥታዊ ያልሆኑ ድርጅቶች ኮሚቴ አባልና የምጣኔ ሃብት ምሁር ማርክ ጎልድዌይን ግን ሁለቱም ባሉት አይስማሙም ።
« በዚህ ጉዳይ አሸናፊ የለም በርካታ ተሸናፊዎች ግን አሉ ። እግዚአብሔር ይመሰገን የበጀት ቀውሱን በማስቀረት የመንግሥት መሥሪያ ቤቶች የሚከፈቱበትን መንገድ አግኝተናል ። ይህ በእርግጠኝነት የኤኮኖሚው እድገት እንዲሻሻል ያደርጋል ።»
ትናንት ማታ የፀደቀው ህግ በውዝግቡ ምክንያት ተዘግተው የነበሩ የፌደራል መንግሥት መስሪያ ቤቶች እንደ ጎርጎሮሳውያን አቆጣጠር እስከ ጥር 15 2014 ድረስ ሥራቸውን እንዲቀጥሉ ያስችላል ። መንግሥትም በህጉ መሰረት እስከ የካቲት 7 2014 ድረስ ወይም ከዚያም አንድ ወር ለበለጠ ጊዜ ልትበደር ትችላለች ። ያ ማለት ግን ውዝግቡ ዘላቂ መፍትሄ አገኘ ማለት አይደለም ከዚህ ወሳኝ ግን ጊዜያዊ ውሳኔ በኋላ ተጨማሪ እርምጃዎች መወሰድ ይኖርባቸዋል ። የዲሞክራትና የሪፐብሊካን ፓርቲዎች ተወካዮች የሚገኙበት ኮሚሽን የሃገሪቱን እዳ መቀነስ ያስችላሉ ተብለው በቀረቡ ሃሳቦች ላይ መክሮ በታህሳስ አጋማሽ ውጤቱን ይዞ መቅረብ ይጠበቅበታል ። ጎድዊን እንደሚሉት መፍትሄ ያልተገኘላቸው በርካታ የረዥም ና የአጭር ጊዜ ችግሮች አሉ ።

” src=”http://www.dw.de/image/0,,17150770_404,00.jpg” width=”340″ height=”191″ border=”0″ />

ጆን ቦህነር

« በግብር ከምናገኘው ገቢ በላይ በፍጥነት በመጨመር ላይ ያሉ የጤናና የማህበራዊ ዋስትና መርሃ ግብሮች አሉን ። አንድ ቦታ ላይ ወይ የእነዚህን መርሃ ግብሮች ስፋት መቀነስ አለያም የግብር ገቢያችንን ማሳደግ ወይም ደግሞ ሁለቱም አቀናጅተን ማስኬድ መቻል ይኖርብናል ። »
ምንም እንኳን አሁን የተገኘው መፍትሄ ጊዜያዊ ቢሆንም ሁለቱ ወገኖች መግባባት ላይ መድረሳቸው ለዩናይትድ ስቴትስ ትልቅ እፎይታ ነው ። ሆኖም ውዝግቡ ይህን ያህል ጊዜ መጓተት አልነበረበትም የሚሉ የፖለቲካ ታዛቢዎችም አልጠፉም ። የበጀት ቀውስ ይከተላል የሚለው ለሳምንታት የቀጠለው ስጋት ሰዎች በዩናይትድ ስቴትስ ኤኮኖሚና የዓለም መገበያያ በሆነው በዶላር ዋጋ ላይ ያላቸው እምነት እንዲሸረሸር ማድረጉን CENTER FOR AMERICAN PROGRESS የተባለው የጥናት ተቋም ባልደረባ ማይክል ዌርዝ ተናግረዋል ።
« ይህን መሰሉ ሁኔታ አንዴ ብቻ ሲደርስ በይቅርታ ማለፍ ይቻል ይሆናል ። ሆኖም ወግ አጥባቂ ሪፐብሊካኖች እንደዚህ ዓይነት ሁኔታ ውስጥ ሲከቱን በ24 ወራት ውስጥ ለሁለተኛ ጊዜ መሆኑ ነው ። ይህ ቀስ በቀስ እንደ ጥሩ አርአያ እየተወሰደ ነው ።

<a href=Senate Majority Leader Harry Reid of Nev. speaks during a news conference on Capitol Hill in Washington, Tuesday, May 15, 2012, following a political strategy meeting. (Foto:J. Scott Applewhite/AP/dapd)
” src=”http://www.dw.de/image/0,,15956183_404,00.jpg” width=”340″ height=”191″ border=”0″ />
ሃሪ ሪድ

ይህ ደግሞ ዩናይትድ ስቴትስ እንደ ዓለም የፖለቲካ ና የምጣኔ ሃብት መሪነት የተጣለባትን አመኔታ ያናጋል ።»
ለ2 ሳምንት የተወሰኑ የፌደራል መንግስት መሥሪያ ቤቶች መዘጋታቸው አሜሪካንን ተዓማኒነትን ከማሳጣቱም በላይ የ24 ቢሊዮን ዶላር የሚጠጋ ተጨማሪ ወጪም እንዳስከተለባትም የምጣኔ ሃብt ባለሞያዎች ግምት ያስረዳል ። ይሁንና ዝርዝሩ በይፋ አልተገለፀም ። በዌርዝ አስተያየት ኦባማኬር በመባል የሚጠራው በተለይ አነስተኛ ገቢ ያላቸውን የህብረተሰብ ክፍሎችን ይጠቅማል የተባለው የጤና ዋስትና መርሃ ግብር ለውጥ ሳይደረግበት የብድር ጣሪያው ከፍ እንዲል መወሰኑ ለወግ አጥባቂዎቹ ሪፐብሊካኖች በተለይም ለ ቲ ፓርቲ አባላት ከባድ ሽንፈት ተደርጎ ተወስዷል ።

ሂሩት መለሰ

አርያም ተክሌ

AUDIO <a href=http://www.dw.de/popups/mediaplayer/contentId
_17166411_mediaId_17166414

DW

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: