addisnews

I'm standing for real freedom. I regard freedom of expression as the primary right without which one can not have a proper functioning democracy.

ኃ/ማሪያም ደሳለኝ “መንግስት ፈርቷል እያላችሁ ራሳችሁን አታሞኙ” ሲል ማሾፉ ተሰማ

33ባለፉት ሁለትና ሦስት ሳምንታት አንዴ “ቀይ መስመር ረገጣችሁ” አንዴ ሰላማዊ ሰልፍ እከለክላለሁ፤ ሌላ ግዜ ደግሞ ኢህአዴግ ለተቃዋሚዎች ጥያቄ መልስ ሰጥቷል እያለ የባጥ የቆጡን ሲቀባጥር የሰነበተዉ የወያኔዉ ሎሌ ኃ/ማሪያም ደሳለኝ በዚህ ሳምንት ደግሞ በተወካዮች ምክር ቤት ተገኝቶ ““መንግስት ፈርቷል እያላችሁ ራሳችሁን አታሞኙ” ብሎ በመደንፋት “ፈስ ያለበት ዝላይ አይችልም” የሚባለዉን የአገራችንን ተረት የሚያስታዉስ የፈሪ ንግግር አድርጓል። ጠ/ሚኒስቴር ተብዬዉ ኃ/ማሪያም ደሳለኝ ከዚያ እንቅልፋም ፓርላማ አባላት ለቀረቡለት ጥያቄዎች መልስ ሲሰጥ መንግስት የጎዳና ላይ ነውጥ ከሚያሰቡት ሀይሎች ጋር ለመነጋገር የማይችልበት ደረጃ ላይ ደርሷል ብሏል። ከተቃዋሚ ፓርቲ መሪዎች ጋር እንኳን መነጋገር እነሱ ባለፉበት መንገድ ማለፍ የሚፈራዉ ኃ/ማሪያም የጎዳና ላይ ነውጥ ከሚያሰቡት ሀይሎች ጋር ካሁን በኋላ አንነጋገርም ማለቱ አንዳንዶችን ያስገረመ ቢሆንም ብዙ የፖለቲካ ተንታኞች አባባሉን የተለመደ የወያኔ የቃላት ጨዋታ ነዉ ብለዉ የኃይለማሪያምን ንግግር አጣጥለዉታል።

በተቃዋሚዎች ፓርቲዎች በኩል የሚቀርበው ጥያቄ ሁሉ ቅጥ ያጣ ፍረጃና የጥላቻ ፖለቲካ ብቻ ነዉ ያለዉ ሎሌዉ ሀይለማርያም ደሳለኝ የጎዳና ላይ ነውጥ እናደርጋለን ብለዉ የሚያስቡ ሀይሎች ሀሳባቸውን እንዲያቆሙ ጠይቋል። በመቀጠልም የጎዳና ላይ ነውጥ ለማስነሳት ስለሚያስቡ ኃይሎች በቂ መረጃ አለን ስንል “መንግስት ፈርቶ ማስፈራራት ጀመረ” እንባላለን ሆኖም ይህ መንግስት አይፈራም፣ ታሪኩም ባህሪውም እንደዛ አይደለም በማለት የሚያዉቀዉን የኢትዮጵያዉያንን የጀግንነትና የአይበገሬነት ታሪክ ትቶ የማያዉቀዉን፤ የሌለዉንና በታሪክ ያልተመዘገበዉን የወያኔን አለመፍራት “ይህ መንግስት ፈርቷል እያላችሁ እራሳችሁን አታሞኙ፣ መንግስት አይፈራም የህዝብ መንግስት ነው” እያለ ያለ ሀፍረት ተናግሯል። ዘረናዉ የወያኔ አገዛዝ ወይ እሱ እራሱ አይጫወትበት ወይ ሌሎቹን አያጫዉት ብቻዉን ጨምድዶ የያዘዉን ኳስ የወያኔዉ ተላላኪ ኃ/ማሪያም ጌቶቹ ሄደህ ተናገር ያሉትን ትእዛዝ ለመፈጸም ብቻ ሲል ብቻ “ኳሱ እናንተ እጅ ላይ ነው” በማለት አባባሉን እንኳን በዉል ያልተረዳዉን ምሳሌ ተናግራል።

Advertisements

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: