addisnews

I'm standing for real freedom. I regard freedom of expression as the primary right without which one can not have a proper functioning democracy.

ወዳጃችን ጃዋር መሀመድ አንድ ጥሪ አስተላልፏል፡፡ ጥሪው በደሌ ቢራ እንዳንጠጣ የሚገስፅ ጥሪ ነው፡፡ እዝች ላይ አንድ ሽሙጥ ትመጣለች፤

ትንሽ ዝርዝር፤
by Abe Tokichaw

ወዳጃችን ጃዋር መሀመድ አንድ ጥሪ አስተላልፏል፡፡ ጥሪው በደሌ ቢራ እንዳንጠጣ የሚገስፅ ጥሪ ነው፡፡ እዝች ላይ አንድ ሽሙጥ ትመጣለች፤

አሁን አሁን ጃዋር አንድ ነገር ተናገረ አሉ ሲባል ወዳጆች የሚጠይቁት አንድ ጥያቄ አለች “ይሄንን ያለው ከሜንጫው በፊት ነው ወይስ ከሜንጫው በኋላ…!”

ቀጥሎ ደግሞ ቁምነገሯ ትከተላለች፡፡

ጃዋር ቢራ የከለከለን ሰሚር እንዳለው “ሃራም ነው” ብሎ አይደለም፡፡ በደሌ ቢራ አዲሱን የቴዲ ኮንሰርት ስፖንሰር ለማድረግ በመዋዋሉ ቴድሮስ ካሳሁን በእንቁ መጽሄት ላይ ተናገረ ስለተባለው ንግግር መቀጣጮ ነው፡፡
እውነቱን ለመናገር ቴዲ “ሚኒሊክ ያደረጉት ጦርነት ቅዱስ ጦርነት ነው…” አለ የተባለው ነገር እውነት ብሎት ከሆነ ይደብራል፡፡ የጦርነት ቅዱስ የለውም፡፡ (መፅሀፍ የሚጠቅስ ቢገኝ እንኳ እኔ ምንም ሳልጠቅስ የጦርነት ቅዱስ እንደሌለው እከራከራለሁ) በተለይ ደግሞ መሪዎቻችን በገዛ ወገኖቻችን ላይ የሚደረጉት የጦር ዘመቻ በምንም መለኪያ ቅዱስ ሊባል አይችለም፡፡

የሆነው ሆኖ እንኳንስ ሚኒሊክ እና መለስ ዜናዊ ላደረሱት ሰብዓዊ በደል ቀጥታ ልንጠይቃቸው እንችል ዘንድ አይቻለንም፡፡ አንድ ጊዜ አምልጠውናል! ከዚህ በኋላ ዳኞቹ እግዜር እና ታሪክ ብቻ ናቸው፡፡

አሁን ላይ በፅኑ የሚያሳስበን ከዛኛው የሀይለማሪያም ደሳለኝ እርግጫ ከዚህኛው ደግሞ የጃዋር መሃመድ ሜንጫ ናቸው፡፡
ጃዋር በቅርቡ አንድ አስደናቂ የሆነ ንግግር ተናግሮ ነበር፡፡ “እኔ በምኖርበት አካባቢ ዘጠና ዘጠኝ ፐርሰንቱ ህዝብ ሙስሊም ነው አንድ ሰው ቀና ቢል በሜንጫ አንገቱን ነው የምንለው!”

እንግዲህ ይህ ንግግር የተነገረው ከትላት ወዲያ ነው፡፡ ከትላንት ወዲያ ይህንን ንግግር የተናገረ ሰውዬ ከትላንት ወዲያ ወዲያ ወዲያ ወዲያ አረ….. ወደ…..ያ ድሮ ስለተደረገ ጭፍጨፋ ሲቃወም የእርሱን ሜንጫ የት አስቀምጧት ነው ብለን መጠየቃችን አይቀርም፡፡

በአሁኑ ወቅት በርካታ ዘመዶቻችን በኢህአዴግ አስተዳደር እርግጫ አበሳቸውን እያዩ ነው መፍትሄ ያመጣሉ ብለን ተስፋ የምናደርግባቸው ሰዎች በሜንጫ ነው አንገትህን የምልህ ብለው ሃርድ መስጠታቸው ሳያንስ በድሮ ታሪክ ላይ ማለቂያ የሌለው ንትርክ መፍጠራቸው የኢህአዴግን እርግጫ ስፖንሰር ከማድረግ ተለይቶ አልታይህ ብሎኛል፡፡

ስለዚህ

“እኔ በምኖርበት አካባቢ 99 ፐርሰንቱ ህዝብ ቢራ አይጠጣም እምቢ ካለ ግን አንገቱን ነው በሜንጫ የምንለው!” አይነት ዘመቻ በእስር ለሚሰቃዩት እነ በቀለ ገርባ፣ ውብሸት ታዬ፣ ኦልባና ሌሊሳ፣ አቡበከር አህመድ፣ ርዮት አለሙ፣ እስክንድር ነጋ…. እና ሌሎች እንኳን ወረቀት እስር ቤት የማይበቃቸው ወገኖቻችንን እንዲሁም በተለያየ ጉስቁልና ውስጥ ያለ ወገናችንን አይታደግለንም….

ለማለት አካባቢ ነው…!
Posted by Addisu Wond
xxx

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: