addisnews

I'm standing for real freedom. I regard freedom of expression as the primary right without which one can not have a proper functioning democracy.

የገዳማትና አድባራት አስተዳዳሪዎች፣ የሰበካ ጉባኤያት ምክትል ሊቃነ መናብርት፣ ካህናትና የአብነት መምህራን የአደረጃጀትና አሠራር ለውጡን በመደገፍና በብፁዕ አቡነ እስጢፋኖስ ላይ የተሰነዘረውን ውንጀላ በመቃወም ዛሬ ከፓትርያርኩ ጋራ ይወያያሉ

ብፁዕ ወቅዱስ ፓትርያርኩና የቋሚ ሲኖዶስ አባላት የሚገኙበት የድጋፍ መግለጫ ስብሰባው ተሳታፊዎች በዛሬው ውይይታቸው÷ የአዲስ አበባ ሀ/ስብከትን የስብከተ ወንጌል፣ የፋይናንስ አያያዝ እና የሰው ኃይል አስተዳደር ችግር ሥር ነቀል በኾነ መንገድ ለመፍታት የቅዱስ ሲኖዶስ ምልዓተ ጉባኤ ባስተላለፈው ውሳኔ መሠረት በብፁዕ ወቅዱስ ፓትርያርኩ መመሪያና በረዳት ሊቀ ጳጳሳቸው የቅርብ ክትትል በባለሞያ ካህናትና ምእመናን ቡድን ለተሠራው ጥናት ሲሰጡ የቆዩትን ድጋፍ በድጋሚ ያረጋግጣሉ፤ ለውጡ በካህናት፣ ሊቃውንት፣ ሰንበት ት/ቤቶችና ምእመናን ዘንድ የበለጠ የሚሠርጽበትንና በተግባር የሚተረጎምበትን አቅጣጫ ያመለክታሉ፡፡
በሀ/ስብከቱ የመዋቅር እና የአሠራር መሻሻል ለማምጣት በየጊዜው ጥረት ሲያደርጉ የቆዩና በማድረግ ላይ ያሉ የተቋማዊ ለውጥ ሐዋርያት የኾኑ ብፁዓን ሊቃነ ጳጳሳትና ከፍተኛ የሥራ ሓላፊዎች በጥቅምና በጎጥ በተሳሰሩ ነውጠኞች ምክንያት ከሓላፊነታቸው በግፍ እየተነሡ ሐዋርያዊ ተልእኳቸው፣ የመልካም አስተዳደርና ልማት ዕቅዶቻቸው የሚሰናከልበት ኹኔታ እንዲቆም ይጠይቃሉ፡፡
በዚህም የቅዱስ ሲኖዶስ ምልዓተ ጉባኤ ለሀ/ስብከቱ የአደረጃጀትና አሠራር ለውጥ ያስተላለፈውን የአፈጻጸም አቅጣጫና የብፁዕ ወቅዱስ ፓትርያርኩን አባታዊ መመሪያ ለማስከበር በትጋትና በንቃት ለሚሠሩት የወቅቱ የተቋማዊ ለውጥ አመራር ሐዋርያ ብፁዕ አቡነ እስጢፋኖስ ጥረት ዕውቅና ይሰጣሉ፡፡
ከሀገረ ስብከቱ የአደረጃጀትና አሠራር ለውጥ ጋራ በተያያዘ የተፈጠረው ውዝግብ መቋጫ የማያገኝበትን ትርምስና ብጥብጥ በቀጣይነት በማስፈን ብፁዕ አቡነ እስጢፋኖስን ከሓላፊነታቸው የማንሣት በምትካቸውም እንደ አቡነ ሳዊሮስ ያሉ፣ ክፍላቸውን በአግባቡ መምራት የተሳናቸውን የማስቀመጥ አጀንዳ ይዞ ለሚንቀሳቀሰው ቡድን ጥብቅ መልእክት ያስተላልፋሉ፡፡
* * *

የተቃዋሚ ነኝ ባይ ቡድን መሪዎች የኾኑት እነመልአከ ገነት ኃይሌ ኣብርሃ ብፁዕ አቡነ እስጠፋኖስን ይቅርታ እንዲጠይቁ ያደረገው የሽምግልና ቡድን፣ እነመልአከ ገነት ኃይሌና ሰባት አባሎቻቸው በዛሬው ሳምንታዊ የቋሚ ሲኖዶስ ስብሰባ ላይ ቀርበው ብፁዕ ወቅዱስ ፓትርያርኩንና ሌሎች ብፁዓን ሊቃነ ጳጳሳትንም ይቅርታ እንዲጠይቁ ለማድረግ ያደረገው ሙከራ ሳይሳካለት እንደቀረ ተዘግቧል፡፡
ሙከራው ያልተሳካው፣ የፓትርያርኩ ልዩ ጸሐፊ አቶ ታምሩ አበራ የዛሬው የብፁዕ ወቅዱስ ፓትርያርክ የውይይት መርሐ ግብር፣ የአደረጃጀትና አሠራር ለውጥ ጥናቱን በመደገፍ ለሚካሔደው ስብሰባ የተያዘ ነው በሚል የወትሮ አቋማቸውን አሻሽለውና አጠናክረው ለሽምግልና ቡድኑ በመናገራቸው መኾኑ ተገልጧል፡፡
እነቀሲስ ሰሎሞን በቀለን ጨምሮ ሦስት አባላት የሚያስተባብሩት የሽምግልናው ሒደት በመሠረቱ የሚነቀፍ ባይኾንም ‹ተቃዋሚ› ቡድኑ መዋቅር በመጣስ በዐደባባይ የሠራውን ስሕተትና ተያያዥ ችግሮቹን በትክክለኛ ገጽታው ያለመመልከትና ሸፋፍኖ የመሔድ ውስንነት፣ ከዚኽም አልፎ ለአደረጃጀትና አሠራር ለውጡ በዛሬ ዕለትና በቀጣዮቹ ቀናት ከብፁዕ ወቅዱስ ፓትርያርኩ ጋራ የሚካሔደውን የድጋፍ መግለጫ ስብሰባ ፋይዳ የማሳነስ ፍላጎት አለበት በሚል እየተተቸ ነው፡፡
http://haratewahido.wordpress.com/
Posted by Addisu Wond.
dddd

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: