addisnews

I'm standing for real freedom. I regard freedom of expression as the primary right without which one can not have a proper functioning democracy.

የአዲስ አበባ ነዋሪዎች በንፁህ የመጠጥ ውሃ እጦት ለከፍተኛ ችግር በመዳረጋቸው አፋጣኝ መፍትሄ እንዲፈለግላቸው ጠየቁ

አዲስ አበባ የካቲት 27/2006 (ኢዜአ) የአዲስ አበባ ከተማ ነዋሪዎች በንፁህ የመጠጥ ውሃ እጦት ሳቢያ ለከፍተኛ ችግር በመዳረጋቸው አፋጣኝ መፍትሄ እንዲፈለግላቸው ጠየቁ። የአዲስ አበባ ውሃና ፍሳሽ ባለስልጣን በበኩሉ የከተማዋን የመጠጥ ውሃ ችግር ለማስወገድ የሚቻለውን ጥረት እያደረገ መሆኑን ገልጿል።

የኢዜአ ሪፖርተር በከተማዋ የተለያዩ አካባቢዎች ተዘዋውሮ ያነጋገራቸው የከተማዋ ነዋሪዎች በሰጡት አስተያየት ለውሃ ግዥ የሚጠየቁት የተጋነነ ክፍያ ካላቸው አነስተኛ ገቢ ጋር ተዳምሮ ኑሯቸውን አስቸጋሪ ማድረጉን ገልጸዋል።

ከአስተያየት ሰጪዎቹ መካከል በጉለሌ ክፍለ ከተማ የወረዳ 9 ነዋሪ የሆነው ወጣት አብይ ገብረወልድ እንደገለጸው ውሃ ከሁሉም በላይ አስፈላጊና አንገብጋቢ ቢሆንም ቤተሰቡ ውሃ የሚያገኘው ቢያንስ በ15 ቀን አንድ ጊዜ ብቻ ነው።

እርሱና ቤተሰቡ በወር ከሚያገኙት አነስተኛ ገቢ ጋር ተዳምሮ በጀሪካን ለሚገዙት ውሃ የሚጠየቁት የተጋነነ ክፍያ የቤተሰቡን ገቢ በማናጋት ህይወታቸው አስቸጋሪ እንዲሆን ማድረጉንም ተናግሯል።

ችግሩ አንገብጋቢና አፋጣኝ ምላሽ የሚሻ በመሆኑ የአዲስ አበባ ውሃና ፍሳሽ ባለስልጣን ተጨባጭ መፍትሄ እንዲሰጥም ጠይቋል።

ባለስልጣኑ በአሁኑ ወቅት ያለውን አቅም በመጠቀም ፍትሐዊ በሆነ መንገድ ክፍፍል እንዲያድርግም ተማጽኗል።

ሌላው አስተያየት ሰጪ በጉለሌ ክፍለ ከተማ የወረዳው 9 ነዋሪና በጠላ በመሸጥ የሚተዳደሩት ወይዘሮ ቦሰና አዳነ በበኩላቸው የውሃ ችግሩ የጠላ ንግዳቸውን አስቸጋሪ እንዳደረገባቸው ገልፀዋል።

ውሃ ለማግኘት ከመኖሪያቸው ቀያቸው ርቀውና ለረጅም ሰዓታት ወረፋ በመጠበቅ የስራ ጊዚያቸውን እንደሚያባክኑም አስረድተዋል።

በአራዳ ክፍለ ከተማ የወረዳ 4 ነዋሪ የሆኑት አቶ አለሙ ስጦታው በበኩላቸው የውሃ እጦት የእርሳቸውም ዋነኛ ችግርና የቤተሰባቸው ፈተና መሆኑን አመልክተዋል።የሚመለከተው ተቋም አፋጣኝ ምላሽ እንዲሰጥም ጠይቀዋል።

የባለስልጣኑ የህዝብ ግንኙነትና ኮሙኒኬሽን ረዳት የስራ ሂደት ባለቤት አቶ ሙሉጌታ ከሚሴ ባለስልጣኑ በአቃቂ እና በለገዳዲ አዳዲስ የውሃ ጉድጓዶችን እያስቆፈረ መሆኑን ተናግረዋል።

ጉድጓዶቹ በቀን 180 ሺ ሜትር ኩብ ውሃ የማምረት አቅም ያላቸው ሲሆን በአሁኑ ወቅት የጉድጓዶቹ ቁፋሮ 80 በመቶ ያህል መጠናቀቁንም አስረድተዋል። በለገዳዲ አካባቢ 30 ሺ ሜትር ኩብ ውሃ የማምረት አቅም ያለው የገፀ ምድር ውሃ ማጠራቀሚያ ግድብ ግንባታም እየተካሄደ መሆኑንም አቶ ሙሉጌታ ገልፀዋል።

ችግሩን በጊዚያዊነት ለማስወገድ በጉርድ ሾላ፣ በጉለሌ፣በአቃቂና መካኒሳ አካባቢዎች ከ15ሺ እስከ25 ሺ ሜትር ኩብ ውሃ መያዝ የሚችሉ 50 ጊዚያዊ የውሃ ማጠራቀሚያ ጋኖች ተከላ እየተካሄደ ስለመሆኑም ጠቅሰዋል።

ባለስልኑ በአሁኑ ጊዜ በቀን 374 ሺ ሜትር ኩብ ውሃ በማምረት ላይ ይገኛል።
 posted by Addisu Wond.

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: