addisnews

I'm standing for real freedom. I regard freedom of expression as the primary right without which one can not have a proper functioning democracy.

ወዳጃችን ጋዜጠኛ ተመስገን ደሳለኝ (በአቤ ቶኪቻው)

aaወዳጃችን ጋዜጠኛ ተመስገን ደሳለኝ፤ ከተከሰሰባቸው ክሶች በአንደኛው ሶስት አመት ጽኑ እስራት ተፈረደበት።

በሌሎቹ ክሶች ምን እንደሚፈረድበት ቀጥሎ የምናየው ቢሆንም ተሜ እና ሌሎች ወንጀለኛ ያልሆኑ ሰዎችን… (ይሄን ግዜ አንዳድ አብዝተው የዋህ የሆኑ ሰዎች እና አብዝተው የኢህአዴግ ዝምድናን የተጋመዱ ግለሰቦች ፍርድ ቤት ወንጀለኛ ያላቸውን ሰዎች ከወንጀል ነጻ ናቸው ማለት ተገቢ ነውን… እያሉ ሊሞግቱን ጣታቸውን ሲያሞጠሙጡ ይታየኛል… ነገር ግን አሁን አሁን በሀገራችን ሰርቆ እና ደብድቦ ከሚታሰረው ”መልካም ሁኑ ጥሩ ሁኑ ተዉ ኋላ ይቆጫችኋል” ብሎ መክሮ እና ገስጾ የሚታሰረው እየበዛ መሆኑን ለማረጋገጥ ቃሊቲ ቂሊጦ እና ዝዋይን አየት አየት ማድረግ በቂ ነው….) እና ተሜ እና ሌሎች ወንጀለኛ ያልሆኑ ሰዎች እስር ቤቱን መሙላታቸው የአሳሪያቸውን አሳር ያበዛ እንደሆነ እንጂ ለእነርሱማ ብርቃቸው አይደለም፤

ለምሳሌ ተሜን እንውሰድ… ገና ፍትህ ጋዜጣ ስትጀምር ጀምሮ ከሀገር እንዲወጣ ወይም ደግሞ ከአንደበቱ መንግስትን የሚያስከፋ እንዳያወጣ በተለያዩ ሰዎች ሲያስመክሩት ነበር። እርሱ ግን ”ሌላ ሀገር የለኝም” መንግስትን መምከርም ሀላፊነቴ ነው፤ ብሎ ፍንክች የአባ ቢላው ልጅ ሆነ! ከዛም አልፎ ተርፎ በአንዱ ሲዘጉበት በሌላው እየከፈተ ለሁላችንም መተናፈሻ መድረክ ፈጠረልን… መተንፈሳችን የሚያመው መንግስታችን… በመጨረሻም ተሜን ”ለምን ጻፍክ” ብሎ ከሰሰው

እስከ አሁን ባለው ልምድ መንግስታችን ጸሀፊያንን ወይም ፖለቲከኞችን አልያም አሳቢ ግለሰቦችን የሚያስረው ለምን ጻፋችሁ ለምን ፖለቲከኛ ሆናችሁ ወይም ለምን አሳቢ ሆናችሁ ብሎ አልነበረም፤ ይልቅስ ወይ ከኦነግ ወይ ከኦብነግ ወይ ከግንቦት ሰባት ወይ ከአርበኛ ወይ ደግሞ ”ከአንዳንድ የወጪ ሀይሎች” (እነዚ የውጪ ሀይሎች እንማን እንደሆኑ ግን እስከዛሬ ግልጽልጽ ብሎ አልተከሰተልንም…!) ተገናኝተዋል ዶልተዋል እያለ ነበር የሚያስረው። ተሜን ግን በግልጹ በዚህ ግዜ እንዲህ ብለህ ጽፈሃል በዚህ ግዜ ይሄንን ብለሀናል በሚል በሌላ አባባል ለምን ይናገረናል በሚል ክስ ነው ለእስር የዳረጉት።

የሆነው ሆኖ አሳሪዎቻችን ራሳቸው ሞቅታው ጋብ ቢልላቸው የማይክዱት ሀቅ እስር ቤቱን የምንግስት ብልግና ተቃዋሚዎች እየሞሉት መሆኑን ነው። ለሁሉም ነገር ልክ አለውና እስር ቤቱ ልኩ ደርሷል ያኔ ይሞላል፤ ሲሞላ መፍሰሱ አይቀርም። እስር ቤት ሞልቶ ሲፈስ ደግሞ ቦንድም ቦንብም የማይገድበው ጎርፍ ይፈጠራል።

ልባም መንግስት ቢኖር ከሚመጣው ጎርፍ ራሱን ይጠብቅ…!

EMF

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: