addisnews

I'm standing for real freedom. I regard freedom of expression as the primary right without which one can not have a proper functioning democracy.

በል ዘራፍ በል ልቤ ( ሄኖክ የሺጥላ )

ትግሉ ቀጥሏል ። ጋሽ ሃይለማርያም ዔርትራን ለመውገር እናዳሰቡ ተናግረዋል ። ይህንንም ጉዳይ ” ሕዝቡን አስፈቅደን እናደርገዋለን !” የሚል መልዕክትም አስተላልፈዋል ። አንድ ጥያቄ ” የትኛውን ሕዝብ ?” ፣ ይሄ ምርጫ 100% የመረጣችሁ ሕዝብ ከሆነ ፣ አዎን እሱንስ ማስፈቀድ ያስፈልጋል ። ግን ግን ደሞ ፣ ይሄ በኑሮ ውድነት የተጠራመሰውን ፣ በድህነት የሚማቅቀውን ፣ በረሃብ አለንጋ የሚገረፈውን ፣ በዘረኝነት በትር የሚቀጠቀጠውን ፣ ይሄ ለምን ጻፍክ ተብሎ በየ እስር ቤቱ የታጎረውን ፣ አማራ በመሆኑ የተፈናቀለውን ፣ ኦሮሞ በመሆኑ እስር ቤቶቹን የሞላውን ፣ ይሄ በሊቢያ በርሃ ልጆቹ የታረዱበትን ፣ በግብጽ በርሃ ኩላሊቱን ያጣውን ፣ በየመን የሞርታር መጫወቻ የሆነውን ፣ በሱኦዲ አረቢያ በአደባባይ የተደበደበውን ፣ ተዘቅዝቆ የተገረፈውን ፣ የተገደለውን ፣ የተዋረደውን ሕዝብ ከሆነ ፣ እኔ እንጃ ፣ ግራ ሳይገባው ይቀራል ። ስለዚህ ሕዝብ ስትሉ ለዩ !

የሆነው ሆኖ ትግሉ ቀጥሏል ። በአዜብ መስፍን ሀገር ( ወልቃይት ) ፣ በአብረሃጅራ ፣ ሁመራ ፣ አብደራፊ እና ወዘተ ፣ እሳት የያዙ ጀግና የኢትዮጵያ ልጆች ፣ እሳታቸውን መትፋት ጀምረዋል ። ባንድ ወቅት የዛሬው ጨቋኝ አንቀጠቀጥኩት ሲለው የነበረው ተራራ ላይ ፣ በጥፍራቸው ወጥተው ፣ “ፋኖ ተሰማራ ፣ እንደ እቴጌ ጣይቱ ፣ እንደ ራስ አሉላ !” ብለዋል ። አዎ ጀግንነት ለኢትዮጵያውያኖች ደም ውስጥ የተቀበረ የዘረ መል ( genetical ) ቀመር መሆኑን የዘነጋውን ይህንን ዘረኛ ቡድን በሚገባው ቋንቋ ማናገር ከጀመሩ እንሆ ቀናቶች ተቆጠሩ ። ታዲያ በዚህ የነጻነት ትግል ውስጥ ፣ የኛን አቤላውያነት የለመዱ ቃየላውያን ፣ ” ወንድም ወንድሙን ሲገል ምንድን ነው ደስታው ?” ከጦርነት ምን ይገኛል ፣ እና ወዘተ የሚሉ ፣ የተባ ግን ደሞ ትርጉም- አልባ ሃሳቦችን መሰንዘር ጀምረዋል ።

1ኛ ) ወንድም ወንድሙን ገሎ ፣ ጀግና ሲሆን ለኛ ብርቅ ነው እንዴ ? በወያኔና በደረግ ሰራዊት መሃከል የተደረገው ጦርነት ፣ የእንጀራ ልጆች ጦርነት ነበር እንዴ ? ዛሬ እንደ ትልቅ ጀግና እና ባለ ታሪክ የምትፎክሩበት ታሪካችሁ ፣ አፋጋኒስታንን አሸንፋችሁ ያመጣችሁት ነበር እንዴ ?

2ኛ ) ምስኪኑ አቤል የሰባ ከብቱን ላምላኩ መስዋት አቅርቦ ፣ በ ቃየል የተገደለው ፣ እግዚያብሄር ቬጅተሪያን ስላልነበረ አይደለም ። ቃየል ክፉ ስለነበረ ነው ። የቃየል ክፋት ሲወርድ ሲዋረድ እናንተ ጋ ደርሶ ዛሬም ፣ ” አንዳርጋቸው ጽጌ የት አለ ? ” ስንላችሁ ፣ እኛ የአንዳርጋቸው ጽጌ ጠባቂዎች ነን ለምትሉት ፣ የሄደበትን በትክክል ትነግሩን ዘንድ የጀመርነው ትግል ነው ። ለምን ህጻን ነብዩ ተገደለ ለሚለው ጥያቄ መልስ ስላጠራቸው ፣ ትንፋሽ ታገኙና ትመልሱልን ዘንድ የጀመርነው ትግል ነው ። የበደላችሁ ፣ የዘረንነታችሁ ፣ የንቀታችሁ ፣ የንቅዘታችሁ ውጤት የሆነው ብሶታችን ያሸከመን ብረት ፣ እኛን ከአቤላውያንነት ወደ ዳዊትነት እንደሚቀይረን በማመናችንም ነው ።

ጀግኖች እየተዋደቁ ነው ። ጀግና ትውልድ የጀኞችን መኖሪያ ያውቀዋል ። ይህ ትውልድ እድለኛ ትውልድ ነው ። ምክንያቱም እሱም በቁም ፣ ሳይሞት ፣ የናቁትን ማንበርከክ የሚችል ነውና ።

ትግሉ ይቀጥላል ። ልባችንም ዘራፍ ይላል ። ያኔ እኛ ኢትዮጵያዊያን መሆናችንን ታውቃላችሁ !

ቸር እንሰንብት66

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: